歐洲主流聯賽仲未開鑼，韓職正進行得如火如荼，今晚上演前列大戰，蔚山HD主場對FC江原。雖然兩隊排名接近，但近況及狀態有天壤之別，蔚山HD各項賽事近4場贏3場。反觀，FC江原遭受聯賽兩連敗，加上上場亞冠精英盃外圍賽，踢到加時輸波出局，進一步打擊士氣，蔚山HD正好乘虛而入捧主勝。（無綫myTV SUPER周日晚6時30分直播）文:Mic少
第2位蔚山HD正在全力追趕榜首FC首爾，搶分鬥心十足，上仗作客傳統宿敵浦項制鐵照樣採取主動，贏2比0而回，取得聯賽3連勝，並且都係淨贏兩粒，展現爭標霸氣。進攻中場李東慶腳風非常順，近5場韓職射入4球及3次助攻，佢喺今年2月對FC江原，亦貢獻1次助攻，協助蔚山HD贏3比1，有力重溫舊夢。
江原體力輸蝕士氣曳
至於FC江原踏入7月之後，表現每況愈下，近5場聯賽僅1勝2和2負，當中勝仗只係主場贏弱隊金泉尚武，早前作客1比2輸畀中游分子FC安養，其後更慘吞FC富川3蛋。FC江原上周中亞冠精英盃外圍賽第1圈，同大阪飛腳激戰120分鐘，輸0比1出局，消耗大量體力；FC江原狀態同士氣都唔及蔚山HD，今仗凶多吉少。
广东聘多多 gdpdd.com 广东招聘网 广东人才网 广东找工作
粤公网安备44011302004166号