巴黎大賽醒神速破朗斯 遇着剋星冇運行_東方日報

法甲嚟緊開咧，今晚先嚟上演法冠盃作序幕，由朗斯於主場迎戰巴黎聖日耳門（ＰＳＧ）。ＰＳＧ上周中勇奪歐超盃，先聲奪人，而且佢哋食慣朗斯，經常一開波即嚟料，今仗半場KO對手唔奇，半場客勝有計。（Now 638周一凌晨2時45分直播）文:法達斯維

上季法甲冠軍ＰＳＧ有好多國腳之前要踢世盃，佢哋都係歸隊冇耐，但作為大賽球隊，一打重要比賽立即醒神，上周中佢哋以歐聯盟主身份，憑迪斯亞杜伊入波兼助攻，以2比1力克應屆歐霸冠軍阿士東維拉，連續兩屆奪得歐超盃。

遇着剋星冇運行
另邊廂，朗斯唔單止係上季法甲亞軍，仲喺法足盃封王，近期熱身賽亦贏多輸少，睇落有得打喎。不過，朗斯對親「剋星」ＰＳＧ都冇運行，雙方近8次交手，ＰＳＧ取得6勝1和僅1敗，其中6次上半場已經取得領先優勢，非常搶韁，朗斯隨時半場都頂唔住，半場客勝捧得過。

广东聘多多 gdpdd.com 广东招聘网 广东人才网 广东找工作