歐聯附：紐卡素歐戰醒神捧讓客_東方日報

歐聯附加賽首回合賽事，英超勁旅「喜鵲」紐卡素作客阿塞拜疆球會卡拉巴克。英超球隊今屆喺歐聯有統治性表現，排名最低嗰隊紐卡素，聯賽階段都排第12位，表現比起踢英超更加醒神。今場對住實力已見底嘅卡拉巴克，有力大勝而回，讓球客勝「-1」值得一博。■（Now 643周四凌晨1時45分直播）文:工廠仔

紐卡素今屆踢歐聯特別突出，安東尼哥頓、哈維班尼斯等攻擊手，喺歐聯入球率遠勝踢英超。「喜鵲」今屆作客巴黎聖日耳門、利華古遜等勁旅都不落下風，球隊依家喺英超爭歐洲賽機會唔大，倒不如疊埋心水喺歐聯搏殺，面對實力低幾班嘅卡拉巴克，應該游刃有餘。

卡拉巴克以第22名晉級，已經成為「阿塞拜疆之光」，佢哋聯賽階段開局2連勝係出線關鍵，但係踢到中後段似乎已經「現形」，最後一輪就慘吞利物浦6蛋，晉級淘汰賽明顯已經到咗極限。

卡拉巴克實力見底
事實上，卡拉巴克面對英超球隊一向都冇運行，近9次喺歐洲賽對英超球隊僅得1和8負，當中最近嗰7場，有5次都係慘敗2球或以上，實力經已見底，今場可以放心直取讓球客勝「-1」。
广东聘多多 gdpdd.com 广东招聘网 广东人才网 广东找工作