歐聯附：拿達路屈基國米大豐收_東方日報

歐聯附加賽首回合賽事，國際米蘭作客波杜基林特，今場強弱懸殊，上季亞軍國際米蘭無論實力、戰績同比賽經驗均遠勝對手，贏波晉級係簡單任務，不過絕唔可以輕視波杜基林特，呢支挪超勁旅崇尚進攻，近兩場歐聯又贏過曼城同馬體會，佢哋近5次歐聯主場4次開4球或以上，捧3.5球入球大一齊開個靚年。（Now 643周四凌晨4時直播）

國際米蘭近況非常好，近8場7勝1負，包括上場3比2擊敗祖雲達斯，現時高踞意甲榜首，領先次席AC米蘭8分，所以佢哋依家可以集中精力踢好呢場歐聯附加賽，隊中只有翼衞杜費斯受傷缺陣，其餘所有主力都會隨隊出戰，包括皇牌前鋒拿達路馬天尼斯，呢位阿根廷前鋒今季狀態大勇，交出18球4助攻，當中歐聯攻入4球，今場去到挪威作客，又係佢數胡嘅大好機會。

波杜基林特鬥攻唔會縮
挪威聯賽未開季，波杜基林特只能靠熱身賽維持狀態，似乎較蝕底，但佢哋近2場歐聯都贏波，仲要擊敗曼城同馬體會，晉級附加賽已經係隊史最佳，足以載入史冊，所以佢哋冇嘢輸，主場迎戰國米唔會縮，隨時係對攻格局，出現大比數賽果屬意料中事。
广东聘多多 gdpdd.com 广东招聘网 广东人才网 广东找工作