英超：年初二搵狼隊開年 阿仙奴細如破竹齊齊發財_東方日報

大年初二英超獨腳戲，由狼隊主場硬撼阿仙奴。雖然阿仙奴位居榜首，但表現有啲飄忽，尤其係進攻總係時好時壞，造訪近期防守有明顯改善嘅狼隊，想搵呢支包尾大幡「開年」都唔易，不妨轉捧2.5球入球細，祝大家於馬年贏波「細」如破竹。（Now 621周四凌晨4時直播）文:法達斯維

正所謂英超冇弱旅，就算係前列分子如阿仙奴、曼城、阿士東維拉等，都係咁失分，而阿仙奴嘅主因進攻時得時唔得，好似早前夏維斯復出，又入波又助攻即嚟一波4連勝，點知佢一傷就畀賓福特逼和1比1，日前英足盃豪贈韋根4蛋，只係對手太弱兼踢得開放，先至令阿仙奴可予取予攜，佢哋中場創造力好一般，尤其喺英超面對鐵桶陣，欠缺空位之下，總是陷於苦戰，睇番首循環鬥狼隊，要靠對手兩個烏龍波先險勝，可知一二。

主隊鐵桶頂得兩嘴
另邊廂，狼隊係就係好差，尤其係季初全無還手之力，依家26戰只得9分，護級機會只得渺茫同冇機會。不過狼隊眾將未有放棄，近期更有一定頑抗能力，各項賽事近10仗獲3勝4和3負，包括日前英足盃亦成功過關，有助提升士氣，防守穩陣番係關鍵，加上近6次主場對住阿仙奴，亦有5次開2球或以下，「兵工廠」就算贏波都要費一番工夫，捧細盤最上算。
广东聘多多 gdpdd.com 广东招聘网 广东人才网 广东找工作