沙特職：鋒線銳利踢法進取 卡赫利發炮大起艾法特_東方日報

沙特職周一晚有「大」戰上演，由卡赫利主場迎戰艾法特。兩隊波踢法都係傾向進攻，尤其卡赫利近期「有前冇後」打法，製造連場娛樂性極高嘅賽事，今仗喺主場對住全沙特防守力最弱嘅艾法特，肯定會狂轟猛炸，3.5球嘅入球大放心捧場。（on.cc東網周一晚10時35分直播）文:工廠仔

卡赫利雖然冇世界級球星坐鎮，但陣中嘅「希臘幫」踢法華麗，射手馬素拿斯近3場聯賽入3球、科圖尼斯近4場聯賽交出3入波同5助攻，呢對「希臘孖寶」搭埋射手榜排第3位嘅挪威前鋒祖舒亞京治，卡赫利嘅「進攻鐵三角」就係入球保證。

兩隊入得失得無懼鬥攻
卡赫利進攻犀利，所以踢法極為進取，就算對住頂級勁旅一樣鬥攻，近2場聯賽分別1比4不敵艾納斯，以及上場力戰下2比3僅負希拉爾。卡赫利近5場比賽入14球，同時亦失咗16球，5場總入球全部開4球或以上，有佢哋嘅比賽基本上就係「入球騷」。

艾法特同樣係主攻型球隊，近8場賽事都有入波，但後面失波就倒水咁倒，10場聯賽失咗22球，同排包尾嘅艾拿積馬並列聯賽失波最多球隊，對上4仗合共失咗12球，今場面對鋒線極銳利嘅卡赫利，好可能又會係大手交易。

广东聘多多 gdpdd.com 广东招聘网 广东人才网 广东找工作