今輪意甲壓軸之戰，羅馬主場對熱拿亞，論整體實力，無疑羅馬秤先，但呢支首都球隊狀態走下坡，加上備受傷兵問題困擾，不宜高估。熱拿亞自知技不如人，應該會加強防守，以1分為目標，參考雙方近8次交鋒有6次總入球開2球或以下，寧願博中位數2.5球嘅入球細。（Now 638周二凌晨3時45分直播）文:Mic少
雖然羅馬仍位居前列，但演出已唔及之前銳利，近4場聯賽輸3場，包括以0比1不敵弱隊卡利亞里。屋漏偏逢連夜雨，除咗射手多夫碧、翼鋒里安拜尼、後衞安祖利奴有傷在身之外，中場主將羅倫素柏歷堅尼近日操練時亦受傷，令傷兵問題惡化。加上後衞安迪卡、中場艾拿奧爾離隊踢非國盃，人腳捉襟見肘，今仗未必可以佔到太大優勢。
熱拿亞防守力唔曳
至於熱拿亞表現並唔差，近7場聯賽取得3勝2和2負，上場對歐聯分子阿特蘭大，即使開賽3分鐘已經有門將利亞尼被逐，全場陷入捱打，都頂到補時先至失守，僅負0比1，可見熱拿亞防守力相當不俗，羅馬要攻入佢哋大門，並非易事。羅馬主W太熱冇肉食，入球細比較抵玩。
广东聘多多 gdpdd.com 广东招聘网 广东人才网 广东找工作
粤公网安备44011302004166号