沙特職：艾塔亞文半和睇定食_東方日報

沙特職直播戲碼，艾塔亞文主場迎戰艾拿積馬。雖然艾塔亞文位居前列，但甚少大炒對手，而包尾大幡艾拿積馬一定玩死守，初段有氣有力下都頂得兩嘴，半場和捧得過。（on.cc東網周二凌晨1時30分直播）文:法達斯維

艾塔亞文今季異軍突起，開咧後10輪聯賽獲8勝1和僅1敗，唯一輸波就係不敵艾納斯，依家只落後呢支榜首球隊5分，令人喜出望外。呢班波基本上係毫無星味，勝在踢得夠整體，只有射手羅渣馬天尼斯較為標青，從佢哋入26球及失13球中，可見攻守尚算平衡，贏波通常係贏1球起、2球止，只有3場勝仗係贏多過兩粒，非常實際。

魚腩艾拿積馬一味靠守
相反，艾拿積馬開季後10場聯賽，只得1和9負未贏過，確係冇骨魚腩。不過任何事情都兩面睇，呢支包尾大幡好有自知之明，明知自己未夠班，對住任何球隊都擺鐵桶陣，睇番呢9場敗仗中，有6場都係僅輸1粒，確係做到輸少當贏。尤其係初段體力足夠情況下，艾拿積馬有力同對手抗衡，各項賽事近5仗，有4次開半場和，多數係易邊後體力下降先守唔住，不妨博佢哋頂到半場唔輸。
广东聘多多 gdpdd.com 广东招聘网 广东人才网 广东找工作