巴高拿加盟如虎添翼 利物浦上力贏畀你體_東方日報

今晚繼續上演歐聯「聯賽階段」首輪賽事，利物浦將於主場迎戰馬德里體育會。利物浦英超季初成績欠佳，幸好已逐漸操起狀態，上仗贏波開齋，加上剛簽入翼鋒巴特利巴高拿，令球隊如虎添翼。更何況「紅軍」係馬體會剋星，雙方近4次歐聯交鋒，利物浦獲得全勝，主勝值得追捧。（Now 638周四凌晨3時直播）文:Mic少

利物浦今夏經歷換帥，以及攻守主將穆罕默德沙拿、伊巴希馬干拿迪離隊，難免需要時間適應。「紅軍」勝在根基深厚，表現愈來愈上力，尤其係中前場球員腳風非常順，阿歷山大伊沙克上場英超對葉士域治，個人梅開二度，近兩場有3球進帳。另一位前鋒加普近3次披甲入1球及3次助攻，新兵域陀蒙路斯早前對諾定咸森林亦射入1球。

馬體會傷鋒士氣曳
最重要係利物浦日前簽入巴特利巴高拿，呢位法國國腳傳射能力俱佳，足以發揮沙拿以往作用，加上佢協助巴黎聖日耳門奪得近兩屆歐聯冠軍，經驗豐富，今仗正係表演機會。此外，利物浦主帥伊拉奧拿係西班牙人，對西甲球隊瞭若指掌，相信可以制訂針對性部署，對付馬體會。

至於馬體會今季西甲4戰2勝1和1負，上仗慘吞畢爾包3蛋，難免打擊士氣。加上球隊暗藏隱憂，前鋒阿歷山大索洛夫有傷在身，另一位射手祖利安艾華利斯早前因為要求轉會，一度暫停操練，雖然呢位阿根廷國腳最終留隊，但狀態不足，而且萌生去意後，是否仍會盡力為球隊搏殺，亦屬疑慮。

馬體會今夏曾經同兩支英超球隊曼聯及曼城踢熱身賽，最終都輸波而回，今次遇上利物浦，恐怕亦唔樂觀。
广东聘多多 gdpdd.com 广东招聘网 广东人才网 广东找工作