阿仙奴保守改玩單隊細_東方日報

英超兵阿仙奴，今晚歐聯造訪意甲球隊拿玻里。阿仙奴出戰歐洲例打穩陣波，雖然入波唔算多，但靠銅牆鐵壁嘅防線夠殺，拿玻里主帥阿里基亦出名保守，要攻破「兵工廠」條鋼鐵防線唔易，不妨轉玩「球隊入球大細」，捧阿仙奴（客隊）入球細（1.5球）。（Now 643周四凌晨3時直播）文:法達斯維

阿仙奴打親歐聯零舍保守謹慎，上屆全部15仗入30球，攻力唔算特別勁，但只係失咗7粒咁大把，以門神大衞拉耶為首嘅防線，固若金湯。單計近7仗歐聯，阿仙奴僅入7球及失3球，其中4場保持清白之身，因此單計佢哋近7仗歐聯嘅球隊總入球，6次開1球或以下，可見主帥阿迪達穩中求勝嘅策略。

拿玻里怕輸唔敢谷
拿玻里今季請來阿里基接手，不過開咧頭3仗聯賽只得1勝2負，尤其係上仗鬥國際米蘭，一度領先2球大好形勢下，竟然反輸2比3，後上殺手麥湯米尼又因病缺陣，以「囧叔」怕輸心態，勢必踢得更保守。加上阿仙奴作客只求3分，隨時一入波即收韁守到尾，「球隊入球大細」撐阿仙奴（客隊）入球細（1.5球）。
广东聘多多 gdpdd.com 广东招聘网 广东人才网 广东找工作