英超焦點戰，車路士主場硬撼白禮頓。兩軍開咧後連盃賽同樣兩連勝，而且火力全開，加上車路士近年鬥「海鷗」例演入球騷，捧2.5球大盤更上算。（Now 621周日晚9時直播）文:法達斯維
「車仔」新帥沙比阿朗素崇尚進攻，立即將招牌343陣式植入球隊，繼首輪聯賽險勝富咸3比2後，上周中英聯盃亦輕取盧頓兩粒，無論係新三叉戟祖奧柏度、高爾彭馬及摩根羅渣士，抑或新加盟老將韋碧克都已經開齋，柏度尼圖亦弗，攻力強勁。
門神派膠防線不穩
不過，車路士防守唔多穩陣，尤其係門神羅拔山齊士不時派膠，首輪鬥富咸兩個失波都關佢事，搞到「沙比Sir」頭都痕埋。
白禮頓首輪大勝阿士東維拉4比0，跟住歐協聯以同樣比數擊敗特林素，兩仗共派8蛋。翻查紀錄，雙方之前7次正面交鋒，全開3球或以上，可見大家都進攻行先，首選2.5球大盤，再睇埋車路士近3次主場鬥「海鷗」，全開4球或以上添，進取啲不妨捧3.5球大盤。
广东聘多多 gdpdd.com 广东招聘网 广东人才网 广东找工作
粤公网安备44011302004166号