逼搶未適應踢番穩陣波 利物浦細盤至啱森水_東方日報

今晚英超頭場，利物浦主場迎戰諾定咸森林。兩軍同樣喺首輪失分，尤其係「紅軍」問題多多，面對近年碰頭不落下風嘅森林，必定小心為上，寧捧2.5球入球細。（Now 621、611及631周六晚7時30分直播）文:法達斯維

利物浦雖有新帥伊拉奧拿領軍，但首輪造訪紐卡素，表現得攻不銳、守不穩，前線嘅阿歷山大伊沙克及域斯表現持續低迷，進攻只有死球較具威脅，兩閘謝利美費林邦及米路斯卻基斯仲衰，助攻時啲傳中波冇準之餘，防守嗰陣更猶如放題，畀對手放到甩轆，加上防中保護不力，不斷畀「喜鵲」打穿，非常狼狽，去到補時先博到12碼逼和2比2，唔輸執番身彩。

伊拉奧拿除咗主打高位逼搶之外，更加強調以快打快，但冇喺適當時候拖番慢控制比賽節奏，容易暴露出防線回追速度慢嘅問題，眾將仍需時間適應，不能操之過急。

森林主帥受壓不容再失
另邊廂，森林同樣有新帥格拉斯拿上場，但首輪落筆打三更，全場無論控球率及射門次數都稍佔上風下，末段失守以0比1輸畀列斯聯，需知道森林班主馬連拿基斯唔係人咁品，換帥如換衫，上季就試過3度易帥，令格拉斯拿備受壓力，今仗不容再失。睇番雙方近5次交手，各得2勝1和2負，未見高低，其中4次開2球或以下，可見大家每次碰頭都非常謹慎，轉捧細盤更上算。
广东聘多多 gdpdd.com 广东招聘网 广东人才网 广东找工作