英超周日9點場好戲碼，
曼城主場迎戰般尼茅夫。「藍月亮」進入「後哥迪奧拿時代」，上星期社區盾淨吞阿仙奴3蛋，相當失威，今場係新帥馬利斯卡聯賽主場領軍第一擊，要贏波向球迷同老闆交代，必定搶韁，加上近13仗聯賽主場11次半場領先，對住近期熱身賽表現平平嘅般茅，首選半場主勝。（Now 621周日晚9時直播）文:邪神
曼城除咗哥迪奧拿離隊，仲有幾位核心球員例如貝拿度施華同洛迪卡斯簡迪轉會，不過「藍月亮」勝在底子夠厚，現時陣中仍有頂級球員包括中場卓基、歷高干沙利斯同艾利洛安達臣等，依然係各大錦標爭勝分子，英超第一擊更係重中之重，肯定會全力搏殺。
睇番上場社區盾，挪威鋒霸艾寧夏蘭特剛歸隊就立即落場，冇表現好正常，雖然創下11場決賽0入球嘅尷尬紀錄，不過踢完呢場熱身性質賽事後，相信球員已經上力，特別係夏蘭特，佢一踢聯賽就有不同表現，最重要係知恥近乎勇，對勝利更加渴求之下，一於睇佢表演。
博埋半場1蛋全場3:1
般尼茅夫今夏改頭換面，主帥伊拉奧拿離隊，改由新帥馬高路斯領軍，一切從頭開始，臨近聯賽開鑼，佢哋近兩場熱身賽分別2比2賽和貝迪斯及1比2不敵緬恩斯，似乎狀態一般，遇上爭標分子
曼城實唔夠砌，隨時上半場先失守，吼實半場主勝之餘，不妨玩埋同場過關「
曼城半場勝[1:0]&
曼城全場勝[3:1]」博更高回報。
广东聘多多 gdpdd.com 广东招聘网 广东人才网 广东找工作
粤公网安备44011302004166号