南美自由盃16強次回合上演「雙學對決」，天主教大學主場迎戰學生隊，智利球隊「天大」首回合作客大部分時間落後之下，驚險逼和1比1，對於爭取晉級極之關鍵，因為天主教大學一向靠地利搵食，各項賽事近7次主場出擊，取得6勝1和，今仗正係佢哋表演時間，可以睇高一線，平手盤抵玩。（HOY 76 周三早上8時30分直播）文:臻贏特
學生隊作客腳軟
天主教大學今屆自由盃有穩定發揮，分組賽6戰取得4勝1和1負，以小組首名出線，當中兩循環對巴西勁旅高士路，獲得1勝1和，可見實力唔嘢小。38歲前鋒費蘭度森柏利老而彌堅，今屆有4球進帳，包括首回合射入學生隊大門。隊內仲有多位阿根廷外援球員，了解學生隊底細，有助制定針對性部署，配合近期主場旺勢，無疑贏面比較大。
至於阿根廷球隊學生隊首回合開賽4分鐘就入波領先，但卻未能力保勝果，並唔令人意外，因為自從阿甲次階段展開之後，球隊表現持續低迷，踢5場聯賽輸3場，仲要兼顧自由盃，更加吃不消，教練文迪拿現時帥位愈來愈危，令球隊充滿不明朗因素，再睇埋學生隊各項賽事近3次作客全敗，兼冇波入，恐怕今仗凶多吉少。
广东聘多多 gdpdd.com 广东招聘网 广东人才网 广东找工作
粤公网安备44011302004166号