沙特職首輪賽事，尼奧姆SC主場迎戰艾費哈。尼奧姆SC上季升上沙特職，喺法國籍教練加迪亞帶領下，表現實而不華，最終拎到第8名佳績。今季佢哋繼續務實強化，季前熱身賽表現對辦，第1擊對住實力疲弱嘅艾費哈贏面甚高，主勝放心捧場。
（HOY 76周六凌晨零時50分直播）文:工廠仔
尼奧姆SC自從升上沙特職後雄心勃勃，前巴黎聖日耳門主帥加迪亞領軍，引入「法國風」務實踢法，拿卡錫迪、賓華馬、杜哥利等法甲系球星有效發揮自身影響力，今季再引入馬蘭沙亞同新星拉揚美斯兩位法國球員，實力更上一層樓。尼奧姆SC喺季前熱身賽表現對辦，近3場全勝，上場就以1比0擊敗西班牙球會拉斯彭馬斯，球員士氣高昂。
艾費哈近況低迷
艾費哈上季排中游位置，但今季實力未見增長，英格蘭中堅基斯史摩寧亦已離隊，球隊最近6場比賽只得1和5負劣績，包括3場熱身賽不勝兼且冇入波，其中對荷甲嘅奈梅亨更加慘吞7隻光蛋，狀態低迷下展開新球季，首戰就要作客睇怕凶多吉少。
广东聘多多 gdpdd.com 广东招聘网 广东人才网 广东找工作
粤公网安备44011302004166号