2026世界盃：巴拿馬今屆仲未入過波 英格蘭半細至拿手_星島日報

鍾意歎慢板！英格蘭半細至拿手
世盃分組賽嚟到尾聲，踢埋幾場，史上首次32強淘汰賽就齊晒腳！3大話題球隊英格蘭、葡萄牙及阿根廷分途出擊，各自王牌──2018年世盃金靴得主哈利卡尼、首位連續6屆世盃有入波球員C朗、世盃史上士哥王美斯，隔空對峙，將為尾輪掀起高潮，大家等睇好波。文:邪神

世盃L組第3輪，焦點戰巴拿馬硬撼英格蘭！巴拿馬兩戰皆北，0分墊底提前出局，不過佢哋兩場敗仗同樣僅輸0比1，可見球隊有一定防守力；「三獅兵團」暫得4分排榜首，今仗對同組最弱嘅巴拿馬，攞3分冇問題，只係主帥杜曹戰術保守，尤其係上半場，近8場7次半場開1球或以下，再追1.5球半場細啱數。（Now 618及616周日清晨5時直播）

英格蘭喺L組頭兩場表現大起大落，首場比賽以4比2擊敗爭出線勁敵克羅地亞，表現激情四射，但點知上場就已經「打回原形」，只能夠同非洲球隊加納悶戰之下打和0比0，係佢哋世盃歷來第23場和波，當中有13場波膽為0比0，因此英格蘭亦被封為「悶蛋之王」，對加納之戰英軍上半場射門全部唔中目標，可見佢哋初段踢法不思進取。

至於出線形勢，除非加納大炒克羅地亞，否則英格蘭只須小勝巴拿馬，就可以攞到小組首名；以杜曹嘅作風，今場大可以歎慢板，甚至畀部分主力休息，而且射手哈利卡尼上場被加納巫師「封印」，真係入唔到波，加上安東尼哥頓表現亦未如預期，迪格蘭賴斯據報有小傷或被收起，今場「三獅兵團」入波唔慌多。

巴拿馬今屆仲未入過波
巴拿馬今屆繼續踢「快樂足球」，全隊上下志在參與，但表現比想像中好，至少唔會好似2018年世盃嗰屆咁，3場輸晒狂失11球出局。雖然巴拿馬嘅防守的確有改善，但係進攻能力亦同時減弱，今屆都仲未入過波，對住小組最強嘅英格蘭，今場捧蛋可以話係意料中事，捧半場細之餘，中位數3.5球嘅入球細都諗得過。

广东聘多多 gdpdd.com 广东招聘网 广东人才网 广东找工作