德國：40歲門神答應出山 紐亞重返德軍做正印_東方日報

德國出戰世盃決賽周前拋出震撼消息，兩年前退役嘅門將紐亞，已答應領隊拿高斯文邀請重出江湖，將會成為德國踢世盃嘅1號門將，原本門將奧利華包文肯定冇晒癮。

德國傳媒報道，拿高斯文同總監禾拉，近幾個星期不斷游說40歲嘅紐亞復出，拿高斯文更多次現場觀戰，認為紐亞仍然交出世界級表現，而佢嘅經驗同鬥志更係球隊嘅寶貴財產。

包文：領隊好信任我
據報紐亞日前正式同意復出，更會成為德國正選門將，佢喺2024年歐國盃後宣布退出國際賽後，效力賀芬咸嘅奧利華包文已確立正選地位，但今次紐亞返嚟，佢就要讓出正選。

奧利華包文喺德甲煞科戰後表示：「我依家充滿信心咁備戰世盃，領隊表明對我好信任，我喺拿高斯文口中得到一啲資訊，但呢個係我哋之間嘅交談，唔會公開。」

广东聘多多 gdpdd.com 广东招聘网 广东人才网 广东找工作