巴西：尼馬承諾唔會搞事 為入選甘願做後備_東方日報

尼馬承諾唔會搞事，兼做大後備都冇問題。

巴西世盃26人名單將於今日公布，34歲嘅尼馬有望入圍，皆因呢位昔日王牌承諾「唔搞事」，並且願意做後備。

尼馬對上一次代表巴西已經係2023年10月對烏拉圭，結果巴西輸0比2，尼馬左膝十字韌帶同半月板撕裂，從此無緣代表巴西上陣。

為出席今屆世盃，尼馬重返巴甲山度士效力，近18場交出11入球5助攻，平均每95分鐘就攻入1球，早前尼馬被列入巴西55人名單，不過想要最後入圍，仲要面對激烈競爭。

前鋒陣容鼎盛爭崩頭
巴西隊現時前鋒陣容，計有雲尼斯奧斯祖利亞、拉芬夏比洛尼、馬菲奧斯根夏、安迪歷、加比爾馬天尼利、伊戈泰亞高、安東尼馬菲奧斯、路爾斯軒歷基，尼馬剛好係第9前鋒。

巴西公布大軍名單前夕，尼馬作出重大承諾：「甘願做後備，做第9前鋒都得，世界盃期間唔會搞事，唔會破壞更衣室團結。」
广东聘多多 gdpdd.com 广东招聘网 广东人才网 广东找工作