英超：雙線爭標要輪換慳力 阿仙奴攰爆細味富咸_東方日報

英超「倫敦打吡」阿仙奴主場迎戰富咸，榜首阿仙奴近期聯賽及歐聯雙線爭標，球員體力負擔沉重，尤其係下周中又要鬥馬德里體育會，今仗或會留力減慢比賽節奏。富咸實力有限，亦難以對「兵工廠」防線構成太大威脅，最好博中位數2.5球嘅入球細。（Now 621及611周日凌晨零時30分直播）文:Mic少

阿仙奴季尾狀態走下坡，各項賽事近8場只2勝2和4負，包括近3場英超輸2場，即使上輪小勝紐卡素1比0，表現亦欠缺說服力。兵工廠最大隱憂係要兼顧歐聯，剛於周中4強首回合作客打和馬德里體育會1比1，戰況非常激烈，球員耗力甚大，並且所入1球來自12碼，再次反映攻門把握力欠佳問題。阿仙奴將於下周三凌晨次回合同馬體會踢生死戰，領隊阿迪達權衡緩急輕重，今場英超難免會輪換陣容，不宜高估，就算贏波，預料小勝居多。

另邊廂，富咸上場爆冷以1比0擊敗阿士東維拉，仍然有望爭奪下屆歐洲賽入場券，但球隊啞火，近7場竟然有5場未能取得入球，想贏波亦有心無力，更何況對手阿仙奴實力高一大截，預料富咸屆時可能連組織攻勢都有難度。

富咸防守穩健唔會大敗
不過，富咸防守尚算穩健，早前作客利物浦，只係輸0比2，加上聯賽首循環僅以0比1不敵阿仙奴，相信今場唔會大敗，由於主W太熱冇肉食，參考富咸各項賽事近7場有6次總入球開2球或以下，轉玩入球細回報更佳。

广东聘多多 gdpdd.com 广东招聘网 广东人才网 广东找工作