意甲：阿特蘭大客Ｗ開畀里睇_東方日報

周二凌晨意甲，卡利亞里主場迎戰阿特蘭大。主隊卡利亞里近況極差，近6場聯賽輸5場，球員信心受到動搖，有愈踢愈差之勢。阿特蘭大經歷歐聯同意盃失意後，爭奪下屆歐洲賽資格成為依家唯一目標，今場必搏盡爭勝，加上近期對住實力較弱球隊都能贏波，有望以質凌人，推介客Ｗ。（Now 638周二凌晨零時30分直播）文:工廠仔

阿特蘭大整體實力強勁，但季尾因兼顧歐聯、意甲同意盃3條戰線，顧此失彼下影響成績。佢哋依家喺盃賽已悉數「畢業」，球隊將集中火力爭奪歐洲賽資格，成績可望提升。

阿特蘭大近1個多月勝率雖然唔高，但佢哋對手有拜仁慕尼黑、國際米蘭、祖雲達斯、羅馬、拉素等勁旅，戰績唔靚仔都情有可原，但佢哋對住維羅納、萊切呢類實力較弱球隊，都係「應贏則贏」拎足3分，今場對住護級分子卡利亞里，絕對可以用實力輾壓對手。

卡利亞里主場攻力曳
卡利亞里本來已幾乎「上岸」，但自2月開始狀態急跌，近10場聯賽只得1勝，包括近6場5次輸波，搞到依家仍未擺脫降班漩渦。卡利亞里球員士氣同狀態都處於低谷，而且入球能力疲弱，對上5場主場比賽只入過兩球，面對決心極大嘅阿特蘭大，主場出擊亦難以睇好，今場客Ｗ要捧。
广东聘多多 gdpdd.com 广东招聘网 广东人才网 广东找工作