沙特職：防線多甩漏靠進攻搭夠 卡赫利大有睇頭_東方日報

今晚沙特職直播戲碼，艾法特主場鬥卡赫利。艾法特上半季成績唔曳，不過去到季尾表現下滑，近期3連敗後逐步捲入降班漩渦，趁主場必求反彈；卡赫利防線多甩漏，靠進攻搭夠，今場駁火味濃，2.5球入球大值得捧場。

（on.cc東網周五晚11時45分直播）文:工廠仔

艾法特為護級主場必搶
艾法特近況極頹，近13場賽事贏得1場，而且場場都有失波，上輪輸畀艾科多後3連敗，依家距離降班區5分，表明上仲有優勢，但艾利雅德等護級球隊近期狂搶分，相反艾法特箭嘴向下，為免進一步陷入危機，今場必搶攻求勝，希望攞番個勢。好彩佢哋鋒力尚算可靠，穆拉特巴拿今季射入8球，阿根廷射手馬迪亞斯華加斯已經傷愈，今場可望擔正復出，有本錢搶攻。

卡赫利依家位處中游，冇乜壓力下近期踢法開放，上場兩度落後下逼和艾科魯特2比2，希臘教頭當尼斯重攻輕守打法，令球隊近5場有4次總入球開3球或以上。事實上卡赫利防守麻麻，近10場比賽都有失波，往往靠進攻頂住，今場對攻格局大盤好路。

广东聘多多 gdpdd.com 广东招聘网 广东人才网 广东找工作