西甲：維拉利爾回勇主Ｗ冇甩蘇_東方日報

西甲獨腳戲，維拉利爾主場迎戰皇家蘇斯達。「黃色潛艇」季尾專注聯賽，現時穩居第4，佢哋今季表現穩定，近期主場3連勝，值得跟進；蘇斯達聯賽排第7，現時最大目標就係1個月後嘅西班牙盃決賽，今場隨時就住踢，主勝睇高一線。

（Now 632周六凌晨4時直播）文:邪神

維拉利爾上半季要同時應付西甲同歐聯，結果歐聯聯賽階段8戰僅得1和7負，不過主帥馬些連奴地位未受動搖，最重要係下季仲有得踢歐聯，佢哋以55分排第4，領先第5嘅貝迪斯11分，下屆歐聯入場券應該穩陣到手。

歐聯出局後，維拉利爾近8場獲4勝2和2負，包括主場3連勝，射手米卡達捷、艾拔圖摩利路都有好表現，就連效力阿仙奴年代被譏為水貨嘅尼高拉斯比比，上場對艾拉維斯都有「士哥」，今仗主場出擊有望再添勝仗。

蘇斯達留力爭西班牙盃
蘇斯達季中經歷換帥，美國教頭比歷堅奴接手後成績反彈，現以38分排第7，落後第5嘅貝迪斯6分，歐洲賽入場券仲有排爭，反而現時最重要比賽係1個月後嘅西班牙盃決賽對馬體會，贏波就乜都返晒嚟，球隊全副精神準備場決賽，嚟緊幾場波都會「揸流攤」，大家要睇路。
广东聘多多 gdpdd.com 广东招聘网 广东人才网 广东找工作