歐聯：法甲對決R2聖日耳門半和值追_東方日報

歐聯法甲內訌Round2，衞冕嘅巴黎聖日耳門（ＰＳＧ）再戰摩納哥。首回合ＰＳＧ先輸兩球劣勢下連追3球，驚險反勝3比2暫時領先，次回合返主場出擊大可睇定嚟食；摩納哥想要收復失地只能沉着應戰，預計初段戰況拉鋸，加上雙方近6次交手5次開半場和，再追半場和。（Now 643、644周四凌晨4時直播）文:邪神

ＰＳＧ似乎正在複製上季奪冠模式，聯賽階段表現一般，作為衞冕球隊嚟講甚至有啲失色，上季佢哋踏入淘汰賽先發力，最後直搗黃龍捧盃，震驚歐洲；不過今季似乎未瞓醒，附加賽抽到同屬法甲嘅摩納哥，更加提唔起勁，搞到首回合幾乎出事，好在最後都能驚險贏波，依家揸住1球領先優勢，以安歷基風格今場又會慢慢搓，特別係上半場同對方鬥磨，好易開半場和。

摩納哥謀定後動
至於摩納哥實力明顯不及對方，兼且進攻中場高路雲首回合領紅牌，今仗要坐波監，實力削弱下更加要諗計反先，估計佢哋將會變陣，改由西蒙艾丁拿拍馬馬度高列巴尼踢雙攻中，支援單箭頭科拿連巴洛根，其餘球員縮後防守，先保住上半場唔輸先有反勝機會，呢場波大概會係咁樣發展，半場和超高水確實博得過。
广东聘多多 gdpdd.com 广东招聘网 广东人才网 广东找工作