今晚沙特職免費直播場次，艾納斯作客強襲艾拿積馬。艾納斯近期重燃爭標希望，加上C朗結束罷踢全力爭冠，依家場場都當決賽咁踢，而且近期慣咗慳水慳力咁贏波，造訪死守嘅艾拿積馬，隨時見好即收，3.5球入球細更值博。（on.cc東網周四凌晨3時直播）文:法達斯維
今季開咧後即領放嘅艾納斯，雖然曾陷入小低潮，幸好及時回勇，聯賽豪取8連勝，僅落後打多1場嘅吉達艾阿里1分排次席，重燃爭標希望。王牌C朗早前疑因不滿希拉爾獲額外關照，一度玩罷踢，直至近2仗復出兼入3粒，包括上仗對艾哈森梅開二度，令其職業生涯總入球增至964球，呢位巨星一向要威，對今季聯賽冠軍志在必得，拚搏之心唔使懷疑。
艾拿積馬只求輸少當贏
查實艾納斯亦喺戰術上略作調整，與季初有前冇後相比，近期明顯注重番防守，近9仗有8次開3球或以下，其中有8仗係保持清白之身，的確贏1球係3分，贏10球都係3分，梗係毋須大炒對手，加上賽程咁頻密，踢得慳力啲亦可理解。
另邊廂，包尾大幡艾拿積馬，近期表現略見回升，除咗前仗擊敗艾科魯特成功開齋外，近期就算係輸波嘅賽事，失波亦明顯減少，防守有改善，單計主場近4仗有3次開3球或以下，今仗必定繼續死守，只求輸少當贏，3.5球細盤捧得過。
广东聘多多 gdpdd.com 广东招聘网 广东人才网 广东找工作
粤公网安备44011302004166号