英超：跟紅頂 白 撐曼聯贏多鋪_東方日報

上輪英超「雙紅會」贏波嘅曼聯，今晚返主場迎戰白禮頓。「紅魔鬼」上場擊敗利物浦創下多項紀錄，趁住士氣正盛就要乘勝追擊，留意到曼聯近3次主場全勝，今場硬撼白禮頓有一定贏面，主勝睇高一線。（Now 621及611周日凌晨零時30分直播）文:邪神

上場贏利物浦，係曼聯近9年「雙紅會」首次作客贏波，領隊魯賓艾摩廉上任以來首次聯賽連勝，該葡萄牙少帥賽後亦稱係佢執教曼聯以來最重要勝仗；現時曼聯士氣高昂，艾摩廉對球隊調動更有信心，今場三叉戟人選繼續係麥比奧莫、美臣蒙特同馬菲奧斯根夏，班捷文施斯高做後備，最重要係門將位置由辛尼拉文斯把關，令球隊無後顧之憂，可以放膽搶攻。

白禮頓作客走樣
另邊廂，「海鷗」今季表現甚為硬淨，近5場錄得3勝2和不敗，韋碧克同迪亞高高美斯今季各項賽事合共攻入9球，攻力不容忽視，不過該隊今季兩場敗仗皆為作客，分別輸畀愛華頓同般尼茅夫，輸畀曼聯不足為奇。考慮到兩隊攻力有番咁上下，今場捧曼聯主勝之餘，2.5球入球大亦係上佳之選。
广东聘多多 gdpdd.com 广东招聘网 广东人才网 广东找工作