歐聯：紅軍再踏奇迹地搶Ｗ拉唔住_東方日報

剛被打破今季不敗身嘅利物浦，作客土耳其加拉塔沙雷。足球唔會有長勝將軍，「紅軍」輸一場並非世界末日，球隊整體發揮冇乜大問題，今次重返當年創造歐聯奇迹之地伊斯坦布爾，面對近7場歐聯只得4和3負嘅加拉塔沙雷，要贏波問題不大，熱捧客勝。（Now 643周三凌晨3時直播）文:臻贏特

加拉塔沙雷歐聯近績曳
加拉塔沙雷擁有利萊辛尼、根度簡同域陀奧森漢等球星，陣容星光熠熠，但歐聯首輪竟大敗喺法蘭克福腳下，賽果令人意外。前拿玻里射手域陀奧森漢自8月30日受傷後，抖咗近1個月，上周六土超鬥艾蘭亞復出只係踢得5分鐘，狀態成疑。

如果睇數據，加拉塔沙雷「地獄主場」確係得人驚，球隊近18場歐洲賽主場10勝5和3負，當中鬥英超球隊更獲4勝3和1負靚績，不過呢啲靚數據都起碼超過10年，加拉塔沙雷近7場歐聯，其實只得4和3負未贏過。

利物浦近8場贏7場，包括首輪3比2擊敗馬德里體育會，聯賽輸畀水晶宮反而減低球隊唔可以輸嘅心理壓力，仲調番轉激起球隊鬥心，相對於尼日利亞嘅域陀奧森漢，「紅軍」埃及射手穆罕默德沙拿，喺歐聯已經射入48球，只欠2球就成為首個射入50球嘅非洲球員，今場肯定會落力為球隊爭勝。

英國傳媒指，「紅軍」領隊施洛今場會作出部分位置上調整，主要係整固中後場，希望減少失波，祖高美斯會復任正選，有機會頂替伊巴希馬干拿迪或謝利美費林邦，又或者用蘇保斯拉爾墮後踢右閘，總之就係希望全取3分，客勝值得支持。
广东聘多多 gdpdd.com 广东招聘网 广东人才网 广东找工作