英足盃：富咸海鮮波難讓水晶宮_東方日報

富咸海鮮波難讓水晶宮

英足盃8強「倫敦打吡」，富咸惡鬥水晶宮。富咸近況飄忽，近5場法定時間只得2勝1和2負，上個月仲輸過畀今場對手水晶宮，相反水晶宮勇態持續，近7場正式賽事獲6勝，而且仲有前鋒桑馬迪達復出攻堅，今場受讓平半，下盤抵玩到極。（Now 651周六晚8時15分直播）

富咸今季整體表現算係平穩，現時英超排第8，爭下季歐洲賽入場券情況仍然樂觀，不過近排表現飄忽，上圈英足盃同曼聯法定時間及加時總比數踢成1比1，最後靠互射12碼淘汰「紅魔鬼」，聯賽曾擊敗熱刺，但同時又可以不敵白禮頓，以及上月尾英超主場不敵今仗對手水晶宮。