英超前列大戰，衞冕嘅阿仙奴開季又做「1哥」，今場作客白禮頓未驚過。阿仙奴喺新球季戰無不勝，各項賽事連贏7場，攻守兼備展現冠軍相；白禮頓雖然進攻凌厲，但今場同對手鬥攻唔係上策，近年同「兵工廠」駁火亦輸多贏少，一於捧阿仙奴客勝。（Now 621及611周六晚10時直播）文:工廠仔
阿仙奴今季實力進一步提升，隊長馬田奧迪加特表現翻生，令球隊進攻創造力大增，造就夏維斯、布卡約沙卡等攻擊手連場入球，3個加埋已入咗7球。更重要係阿仙奴防守依然堅挺，今季4場聯賽只失1球，亦係球隊長期戰績穩定嘅最大原因。
白禮頓鬥攻冇着數
「兵工廠」開季7連勝，最近連續3場作客都順利贏波，今場係作客之旅最後一站，當然不勝無歸。迪格蘭賴斯、祖利安添巴、夏維斯、卡拉費奧利同布卡約沙卡等主力，喺周中英聯盃淘汰葉士域治一役完全休戰，養精蓄銳等今場搏殺，表現應有保證。
「海鷗」白禮頓踢法進取悅目，今季先後4比0大勝阿士東維拉同5比0擊敗高雲地利，周中英聯盃更加以3比2反勝曼聯，進攻戰術夠晒精彩。不過佢哋對住頂級勁旅，想話駁火就未必有着數，白禮頓上月作客車路士就曾於激戰下輸3比4，今場面對攻守更加平衡嘅阿仙奴肯定輸蝕。事實上，阿仙奴近7次對白禮頓，獲得5勝2和不敗佳績，今場捧客勝係最佳選擇。
广东聘多多 gdpdd.com 广东招聘网 广东人才网 广东找工作
粤公网安备44011302004166号