宿敵碰頭盡情鬥攻 曼市打吡半大有計_東方日報

新一季英超首個高潮，「曼市打吡」曼聯主場迎戰曼城，論今季聯賽成績，曼城3戰全勝佔優，加上天價簽入安素費南迪斯後，進一步提升組織攻勢能力，應會先下手為強。至於「紅魔鬼」曼聯踢法有前冇後，遇上宿敵更加唔會退縮，預料雙方一開波就會鬥攻。參考曼聯跨季近5次英超主場有4次上半場總入球開2球或以上，捧中位數1.5球半場大。（Now 621、622及611周日晚11時30分直播）文:Mic少

曼聯上場歐聯以4比0大勝沙巴FC，上半場已領先3球，火力非常強勁，但「紅魔鬼」水準比較飄忽，英超作客新升班球隊侯城，竟然上半場落後2球，最終敗陣而回，但其後主場又可以大勝葉士域治5比2，上輪兩度領先結果又被愛華頓逼和2比2。由此可見曼聯攻力不俗，但防守太脆弱，連續3場英超都各失2球，雖然柏德列多古將「重操故業」擔任正選左閘，希望堵塞漏洞，但遇上擅長進攻嘅曼城，好大機會上半場已經失守。

不過，曼聯始終有地利，佢哋跨季近10次英超主場出擊贏9次，包括上季以2比0擊敗曼城，而且硬撼強敵，主帥卡域克可以採用最擅長嘅快速突擊踢法，隨時可以把握開賽初段，趁曼城未企穩陣腳就偷襲得手。

黃金中場線埋門唔會少
至於「藍月亮」曼城由馬利斯卡接手執教後，延續「哥帥時代」強勢，保持聯賽全勝，上場歐聯作客以2比0擊敗波圖，各項賽事4連勝。前鋒艾寧夏蘭特腳風非常順，上場歐聯梅開二度，近2場英超亦有3球進帳，其中2球係上半場射入，表現夠晒搶韁，更重要係佢今仗只要再入1球，就可以超越兩軍名宿朗尼、阿古路（8球），獨享英超「曼市打吡」最多入波球員美譽，仲唔搏命咩！此外，卓基傳射能力亦十分出色，加上安素費南迪斯來投，曼城擁有黃金中場線，預料可以創造大量攻勢，要撕破曼聯鬆散防線，並唔困難，開半場大機會甚高。
广东聘多多 gdpdd.com 广东招聘网 广东人才网 广东找工作