今晚法甲獨腳戲，由圖盧茲主場迎戰里爾。里爾開季表現唔錯，老箭頭基奧特更屢有佳作，啱啱更簽入荷甲金靴上田綺世，加上近年交手食住圖盧茲，客勝有計。
（Now 638周五凌晨2時45分直播）文:法達斯維
里爾今季由安察洛堤囝囝大衞安察洛堤執教，再度「單飛」於頭兩輪聯賽取得1勝1和，包括上仗對住班霸巴黎聖日耳門，領先2球下畀對手末段追平，非常唔抵，但表現確係唔錯，尤其係39歲箭頭基奧特，頭2輪已入1球同交出2次助攻，老而彌堅。
圖盧茲防線唔穩陣
雖然里爾今夏有唔少變動，包括保亞迪等主力轉戰英超，幸好佢哋最叻低買高賣，總係執到筍貨，包括新簽入飛燕諾前鋒上田綺世，呢位日本國腳上季以25粒勇奪荷甲金靴，世盃亦取得2個士哥，有指佢今仗有機會處子登場添，令人期待。
另邊廂，圖盧茲開咧演出認真麻麻，頭兩輪聯賽只得1和1負，包括上仗被比斯特逼和2比2，後防不穩頻頻失波，就算今仗有地利亦信唔過。翻查紀錄，里爾之前4次對住圖盧茲，全部贏晒，擺明格食格，今仗有力反客為主，一於捧客勝。
广东聘多多 gdpdd.com 广东招聘网 广东人才网 广东找工作
粤公网安备44011302004166号