英冠周中快車，史篤城主場對諾域治。兩隊近年都喺英冠中游浮沉，實力相差無幾，近期防守上亦同樣欠穩，史篤城開季後聯賽3連敗，3場敗仗全開3球或以上，球隊入得又失得；諾域治開季連輸兩場後上仗反彈大勝，連同兩場英聯盃，各項賽事近5場全開3球或以上，雙方都希望喺聯賽搶分，今場入球必多，2.5球入球大放心捧。（無綫myTV SUPER周三凌晨3時直播）文:邪神
主隊聯賽3連敗失9球
史篤城季前熱身賽好哋哋，但一開季就輸到暈，聯賽3連敗入3球失9球，而且睇走勢愈輸愈大鑊，聯賽首仗1比2輸畀史雲斯，跟住第2場1比3不敵修咸頓，第3場聯賽對狼隊大敗1比4，就連之前英聯盃第2圈主場對侯城，鬥到互射12碼最後都要射輸出局，不過英冠波唔使咁快批死佢哋，話唔定今場贏波反彈，不過總括嚟講球隊入得又失得，呢樣嘢冇得變。
至於諾域治則表現飄忽，今季聯賽連英聯盃5戰3勝2負，全開3球或以上，後防場場有失波。不過前鋒線有啲料，5場總共攻入11球，包括上場大炒般尼4比1，射手穆罕默德托尼同翼鋒布魯克斯各入兩球，腳風正順今場勢必繼續數胡，2.5球入球大放心捧。
广东聘多多 gdpdd.com 广东招聘网 广东人才网 广东找工作
粤公网安备44011302004166号