今日研究南美自由盃16強首回合，巴甲嘅米拉索主場對厄瓜多爾球隊利加大學。米拉索今季表現下滑，主場出擊亦不宜高估；利加大學防守硬淨，近6場作客全開2球或以下，2.5球入球細係不二之選。（HOY 76周五早上6時直播）文:邪神
米拉索上季以新升班姿態殺上巴甲前4，不過今季打回原形，一來佢哋壓迫戰術同快速進攻招數被睇穿，好難再喺強隊身上偷雞，二來今季要兼顧自由盃疲於奔命，因此佢哋喺巴甲排名跌至中下游，自由盃小組出線已經有交代，想再進一步並唔容易。
羅沙里奧主場搶先機
利加大學係南美兩大盃賽常客，經驗豐富，16強首回合先作客，當然係做好防守，盡量減少失球，加上兩隊喺分組賽兩度交手，同樣全開2球或以下，預計今場入球唔慌多，必捧入球細。
同日仲有場羅沙里奧中央對哥連泰斯，哥連泰斯近3場自由盃未贏過，相反阿甲嘅羅沙里奧中央近5場自由盃贏4場，今場主場出擊勢必搶先機，上盤有計。（HOY 76周五早上8時30分直播）
广东聘多多 gdpdd.com 广东招聘网 广东人才网 广东找工作
粤公网安备44011302004166号