外圍賽開波惡戰連場 伊蒂哈德入局快吼半大_東方日報

喺熱到爆標嘅天氣下，新一季亞冠精英盃首圈外圍賽正式開波，東亞區焦點有阿德萊德聯對河內公安，西亞區戰線就有艾查捷拉對伊蒂哈德，大家一於睇準形勢出手，實行贏錢降溫。文:邪神

先睇西亞區賽事，阿酋職球隊艾查捷拉對沙職勁旅伊蒂哈德。兩隊同樣處於休季階段，亦已開操一段時間，從近期熱身賽所見，艾查捷拉近3仗2勝1和，表現中規中矩；至於伊蒂哈德共踢過4場熱身賽，共獲2勝1和1負，全開3球或以上。加上佢哋近期入局快，喺呢4場波嘅上半場，有3次開2球或以上，可見佢哋早段已經展開激烈駁火，今仗吼實1.5球半場大。（周三凌晨零時開賽）

阿聯河內冇態細均力敵
跟住睇東亞區戰線，澳職球隊阿德萊德聯對來自越南嘅河內公安。阿德萊德聯早前出戰澳足盃，竟然1比2輸畀低組別球隊南墨爾本，倒灶出局，士氣大受打擊，亦反映球隊狀態不足，不宜高估；河內公安係上季越南聯賽冠軍，球隊現時處於休季階段，相信球員狀態亦未十足，今仗作客預計會偏向保守，何況佢哋近4仗3次開2球或以下，首選2.5球入球細。（周二下午5時30分開賽）

广东聘多多 gdpdd.com 广东招聘网 广东人才网 广东找工作