聽朝繼續有巴甲賽事，焦點戰保地花高主場火併維多利亞。保地花高一向靠主場搵食，撞正客場例腳仔軟嘅維多利亞，仲唔趁機搶分咩，主勝不容錯過。文:法達斯維
（周五早上6時30分開賽）
保地花高之前因為分心南球盃，搞到聯賽表現時好時壞，更一度出現危機捲入護級漩渦，好彩佢哋喺南球盃順利晉級，依家可以重新投入番聯賽，全力搏殺。呢班波主場出擊特醒，各項賽事近5仗主場，取得4勝1負，包括上輪聯賽重開，並於補時絕殺下以2比1擊敗老牌球會山度士，取得重要3分，有助提升今場爭勝信心。
維多利亞作客腳軟
另邊廂，維多利亞查實成績唔算差，目前與保地花高同分，大家都係咁高咁大，佢哋同樣都係靠主場搶分，包括上仗頻頻失機下，最終只能險勝華斯高1比0。何況維多利亞係典型「主強客弱」，開咧後9次作客聯賽，只得3和6負未贏過，排喺作客成績下游，僅僅比包尾嘅查比高恩斯好少少，見到都唔開胃。加上維多利亞今場仲有甘梅坦加、尼敦文迪斯、安達臣柏圖等因傷倦勤，好難抵擋保地花高嘅狂轟猛炸，主勝有計。
广东聘多多 gdpdd.com 广东招聘网 广东人才网 广东找工作
粤公网安备44011302004166号