射手復出火力提升
世盃曲終人散，今日下畫都有韓職玩，其中全北汽車會對大田市民。全北汽車現排第3，主場表現特別進取，入得又失得，近5仗主場4次開3球或以上；大田市民排第9，近7仗4和3負未嘗取勝，其中近4場3次開3球或以上，今仗為求谷底反彈，隨時豁出去同對手鬥攻，首選2.5球入球大。（無綫myTV SUPER周二晚6時30分直播）文:邪神
全北汽車上季重奪韓職冠軍，隊史累積第10冠，期間更創下22場不敗紀錄，不過今季未能持續，暫時落後榜首嘅FC首爾10分，球隊近況亦起伏不定，近3場輸2場，幸好佢哋主場仍然保持一定戰鬥力，近4次主場贏3場，今場更有李昇祐停賽期滿復出，有呢位前巴塞B隊前鋒助陣，不愁冇波入。
大田市民求反彈豁出去
自從新星尹棹泳去年轉投白禮頓，大田市民成績不斷下滑，球隊近況低迷，已經7場未贏過，但近3場打和，包括早前2比2賽和FC富川，上仗主場迎戰實力分子蔚山HD，球隊上半場連入兩球，但最終仍被對手連追兩球逼和2比2；今場作客全北汽車，預計又係多波入，2.5球嘅入球大有計。
广东聘多多 gdpdd.com 广东招聘网 广东人才网 广东找工作
粤公网安备44011302004166号