2026世界盃：逼搶踢法剋對手 加納細抗格仔兵_星島日報

世盃L組終極一戰，克羅地亞同加納進行出線生死決。克羅地亞目前3分喺手，今場贏波就肯定出線，不過「格仔兵團」今屆進攻效率偏低，而且被加納活力十足嘅逼搶踢法克制住，今場想入波唔係咁容易，預料戰情會非常緊湊，開2.5球入球細機會高。（Now 619及617周日清晨5時直播）文:工廠仔

克羅地亞對上兩屆世盃拎到亞軍同季軍，不過「黃金一代」今屆似乎踏入「黃昏時代」，首仗被英格蘭輕易擊倒，上場對住巴拿馬又陷於苦戰，幾經艱苦下僅勝1比0，面對活力十足嘅逼搶踢法，莫迪歷、比列錫、高華錫等老將踢得非常吃力。

黑星軍團守強於攻
克羅地亞球員以控球能力同個人技術見稱，可惜欠缺一個可靠嘅數胡人物，控球時間多但製造機會少。就算克羅地亞順利領先，佢哋亦肯定會拖慢節奏，避免一班老將要同對手進行體力化嘅來回駁火，入波機會唔會多。

另邊廂，綽號「黑星」嘅加納頭兩輪拎到4分，但其實只係入過1粒，好成績全靠0失球嘅牢固防線，上場就成功抵擋英格蘭狂攻悶和0比0。加納近4場賽事全開2球或以下，而且佢哋今場只要保持不敗就可以晉級，必定繼續屯重兵防守，2.5球入球細穩開。
广东聘多多 gdpdd.com 广东招聘网 广东人才网 广东找工作