世盃K組次輪焦點戰，由基斯坦奴朗拿度率領嘅葡萄牙硬撼烏茲別克。葡萄牙首輪失分，C朗慘成箭靶，尤其喺對手好氣好力之下，呢位老將好難搵到食，何況葡軍喺世盃對親亞洲兵例慢熱，面對死守嘅烏茲別克，轉捧1.5球半場細更佳。（Now 618及616周三凌晨1時直播）文:法達斯維
雙方首輪都未能贏波，其中葡萄牙早早入波之下，仍被剛果民主共和國逼和1比1，C朗全場3次射門0中龍，原來已經連續10場大賽食白果，表現低迷遭圍插。以呢位隊長唔服輸嘅性格，必定搏盡求一吐烏氣，但畢竟佢已經41歲，喺對手初段好氣好力之下難免輸蝕，不宜硬碰，等對手體力下滑，睇準時機一擊即中，因此上半場會盡量減少消耗。
烏茲別克先求穩守
葡萄牙坐擁般奴費南迪斯、祖奧尼維斯、柏度尼圖等，都有能力創造機會畀C朗，但對住死守球隊，初段總係老鼠拉龜。查實葡軍近5場，有4次都未能喺上半場取得領先優勢，睇埋佢哋近5次世盃對亞洲球隊，亦有4次半場開1球或以下，確係入局較慢。
另邊廂，20年前以隊長身份協助意大利勇奪世盃嘅鐵衞簡拿華路，20年後則以主帥身份率領新丁烏茲別克出征世盃，首輪面對哥倫比亞一度追成平手，最終輸1比3，拚勁有餘，但仍暴露出後勁不繼嘅問題，吸取上仗經驗後，今場必定加強防守，務求先喺上半場頂住唔輸波，下半場再伺機偷雞。呢支亞洲球隊近4場半場開1球或以下，初段分外保守，半場唔慌多波入，1.5球半場細值得捧場。
广东聘多多 gdpdd.com 广东招聘网 广东人才网 广东找工作
粤公网安备44011302004166号