世盃J組次輪榜首戰，阿根廷同奧地利上場都贏波，但論整體實力及表現，阿根廷明顯勝一籌，球王美斯更上演「帽子戲法」，盡顯霸氣，相信會繼續強攻對手，恐怕奧地利無力招架，直取半場主勝。 （Now 618及616周二凌晨1時直播）文:Mic少
阿根廷領隊史卡朗尼執教8年，已經建立一套行之有效嘅戰術，擁有深厚默契，每次比賽猶如「自動波」，最關鍵係核心人物美斯狀態勇猛，隊友圍住佢嚟踢產生最強威力，呢位即將39歲老將上場包辦3個入波，協助阿根廷近8場全勝兼上半場全部領先，戰術非常成功。
奧地利上仗大勝水分高
由前曼聯領隊蘭歷克執教嘅奧地利，即使佢哋今仗嚴密看管美斯，但其他阿根廷進攻球員都極具級數，況且奧地利上場對約旦都未能佔到明顯優勢，先入波下一度被對手扳平，要後段靠約旦擺烏龍加12碼，先至勉強贏3比1，可見大勝有一定水分，預料呢支歐洲球隊抵擋唔住阿根廷強攻，好大機會由頭輸到尾。
广东聘多多 gdpdd.com 广东招聘网 广东人才网 广东找工作
粤公网安备44011302004166号