保持不敗亦可出線
南美自由盃A組最後一輪生死戰，學生隊主場對麥德林獨立，排第3位嘅學生隊必須贏波，先至可以出線16強，但呢支阿根廷球隊狀態低迷，近6場僅1勝，想贏亦有心無力。哥倫比亞球隊麥德林獨立和波就能夠出線，應會採取穩守戰術，主隊要入波更加難。參考學生隊近5場自由盃有4次總入球開兩球或以下，寧願博中位數2.5球嘅入球細。
（HOY 76台周三早上8時30分直播）文:Mic少
學生隊雖然獲得阿甲首階段常規賽A組冠軍，但晉級季後賽16強立即輸波出局，皆因球隊由4月底開始陷入低潮，各項賽事近6場只有1勝3和2負，僅入4球，當中近兩場同樣輸0比1，包括上場自由盃不敵法林明高，攻力疲弱。加上麥德林獨立處心積慮防守求和，恐怕學生隊咬唔入對手。
次名嘅麥德林獨立領先學生隊1分，如果輸波就會被對方反超前，一旦跌落第3位，就要降格轉戰南球盃。麥德林獨立為名為利，肯定全力保住次名出線資格。
客軍近5作客僅1敗
事實上，麥德林獨立實力不俗，但5月初主場對法林明高，因為球迷搞事導致比賽腰斬，被判輸0比3，否則可能已提早出線，加上球隊近5次作客僅1敗，證明作客亦唔輸蝕，今仗有力全身而退。睇番雙方首循環交鋒打和1比1，預料好大機會再次出現拉鋸局面，入波唔會多，捧細啱數。
广东聘多多 gdpdd.com 广东招聘网 广东人才网 广东找工作
粤公网安备44011302004166号