女歐聯：巴塞里昂鬥大爭后冠_東方日報

女子歐聯決賽，周日凌晨假挪威奧斯陸上演，兩大超級班霸巴塞隆拿女足同里昂女足爭逐后冠。巴塞女足統治力驚人，今屆係佢哋連續第6年殺入決賽；對手里昂女足係8屆冠軍，同樣實力超凡。兩大勁旅都擁有極強火力，今場駁火味濃，中位數3.5球嘅入球大值博。（Now 643周日凌晨零時直播）文:工廠仔

傳奇鋒線攻力十足
巴塞女足貴為「地上最強」，今季喺聯賽同歐聯表現摧枯拉朽，喺西甲目前28戰27勝，攻入極誇張嘅124球；喺歐聯同樣近乎無敵，8強兩回合以12比2血洗皇家馬德里女足、4強再以總比數5比3淘汰拜仁慕尼黑女足，以佩泰娜絲、邦瑪迪等傳奇球星為首嘅鋒線無堅不摧，佢哋近4場歐聯，就有3次開出6球或以上。

里昂女足喺2016年至2020年間曾實現歐聯「5連霸」偉業，雖然近年霸權被巴塞女足取代，但今屆亦係佢哋近5屆第3次殺入決賽，戰鬥力極強。里昂女足喺4強戰，戲劇性4比3反勝上屆冠軍阿仙奴女足，信心爆棚。西班牙主帥基拉迪斯正正係前巴塞女足教練，同樣承繼華麗進攻風格，今場決賽將會大火併，一於捧3.5球入球大！

广东聘多多 gdpdd.com 广东招聘网 广东人才网 广东找工作