南球盃：山度士收素捧半場Ｗ_東方日報

南球盃D組，巴甲球隊山度士主場迎戰阿甲嘅聖羅倫素，呢場雖然係榜尾對榜首，不過兩隊只有3分差距，最後兩輪仍然充滿變數。墊底嘅山度士要搶前2名，今場不容有失，主場會先發制人全力搶攻，佢哋近期比賽入局快，捧半場主勝好路。

（周四早上6時開賽）文:工廠仔

山度士狀態唔錯，近8場比賽只係輸過1場，星級前鋒尼馬喺世盃前特別落力，最近4場交出2入波同1助攻。尼馬上場聯賽因球證擺烏龍，被迫提早換走，變相可以留力呢場大戰，球隊火力有保證。山度士近期踢法搶韁，近7場有6場上半場入波，當中有5次贏住返入更衣室，預料今場會繼續喺早段開火。

聖羅倫素主將缺陣
聖羅倫素以1勝3和排小組榜首，今場作客會主守，不過佢哋有加斯頓靴南迪斯同施魯迪重傷缺陣，戰鬥力削弱，而且近4場比賽3和1負，球隊狀態同信心都成疑問，捱打未必可以頂得好耐。山度士戰意高昂信得過，一於博半場主勝。

广东聘多多 gdpdd.com 广东招聘网 广东人才网 广东找工作