英超護級大戰，熱刺主場迎戰列斯聯。熱刺近期2連勝後，護級形勢出現曙光，只要最後3輪全勝就肯定護級成功，不過球隊傷兵問題仍然嚴重，而且近期勝仗有幸運成分，今場面對狀態當弗嘅列斯聯，繼續贏波有難度，列斯聯受讓有着數，捧讓球客勝（+1）。(now 621周二凌晨3時直播)文:工廠仔
熱刺自從聘請迪薩比執教後，表現有所起色，2連勝後失分已經少過韋斯咸，不過熱刺係咪真正復甦仍屬疑問。佢哋近期連勝唔多唔少都有啲「水分」，先贏已經篤定降班嘅狼隊，再贏因為分心歐霸盃而半力出擊嘅阿士東維拉，可以話係「時勢造英雄」。
近9仗主場不勝讓唔起
況且，熱刺為咗護級場場谷到盡，搞到依家嘅傷兵問題極為嚴重，沙維西蒙斯、蘇蘭基再加入「十字軍」行列，同古度斯、古路施夫斯基、古里莫維卡里奧、賓戴維斯、賓坦古亞等齊齊養傷，戰鬥力大打折扣。更值得留意嘅係，熱刺主場成績差到痹，連續9場聯賽主場不勝，只係得3和6負劣績。
作客嘅列斯聯多得近期嘅強勁走勢，依家已經衝向中游位置，佢哋近8場賽事，4勝4和未逢一敗，近4場聯賽更加拎到3勝1和，包括作客擊敗曼聯，一眾球員狀態同信心都極佳，尤其射手諾亞奧卡科近4場聯賽入4球，要攻破熱刺疲弱防線唔難，今場受讓抵玩。
广东聘多多 gdpdd.com 广东招聘网 广东人才网 广东找工作
粤公网安备44011302004166号