今晚歐協聯4強次回合焦點戰，英超球隊水晶宮返主場，再鬥烏克蘭勁旅薩克達。水晶宮首回合贏波，好大機會殺入決賽，為免燃起薩克達半點希望，隨時先發制人，半場主勝捧得過。
（Now 638周五凌晨3時直播）文:法達斯維
水晶宮首回合於中立場先贏3比1，伊斯美拿沙亞更喺開賽僅21秒便打開紀錄，呢位前鋒今屆歐協聯已經累積8個入波，與另外兩人並列射手榜榜首，腳風順到冇朋友。雖然水晶宮揸住兩球優勢，但為免夜長夢多，最好就係早早整多粒，徹底粉碎薩克達任何幻想，睇番呢支倫敦球隊，近5次歐協聯主場出擊，有4次上半場取得領先，非常搶韁。
薩克達壓前易出事
另邊廂，薩克達首回合表現其實唔差，全場控球率達71%，更有多達16次射門，但只得1次中目標，拍埋控球率偏低（29%）、同10次射門7次中目標取得3球嘅水晶宮相比，埋門質素同效率有明顯分野。薩克達依家落後2球，為收復失地今場惟有焗攻，不過壓得太前，暴露空位更多，益晒反擊銳利嘅水晶宮，隨時半場就經已失守，寧捧半場主勝。
广东聘多多 gdpdd.com 广东招聘网 广东人才网 广东找工作
粤公网安备44011302004166号