歐霸盃：弗賴堡開火搶先士哥_東方日報

歐霸4強首回合喺葡萄牙上演，布拉加喺主場先鬥弗賴堡。布拉加後防受到傷停困擾，今場要用老將保羅奧利華拉臨時拉伕擔正，狀態同速度肯定唔夠，弗賴堡一向急先鋒，近7場有6場先攻入對手，今場一於捧弗賴堡第一隊入球。

（Now 639周五凌晨3時直播）文:臻贏特

葡超「第4勢力」布拉加同德甲「8哥」弗賴堡喺歐霸表現相若，喺聯賽階段同樣錄得5勝2和1負17分直入淘汰賽，喺16強同樣首回合先落後，再喺次回合反勝對手晉級，8強則顯示強大攻力淘汰對手，今場高低好睇球員狀態及臨場發揮。

布拉加防線不整
不過布拉加今場後防有隱憂，主力後衞阿利麥比喺上圈歐霸對貝迪斯受傷仍未復出，頂替佢嘅摩斯卡度又因累積黃牌夠數今場要停賽，教練卡路士維森斯焗用34歲嘅保羅奧利華拉，佢今季已經淪為後備，好多時都喺「垃圾時間」上陣。

相反，弗賴堡季尾愈戰愈勇，中前場球員輪流發威，艾格史甸、文森比都交到貨，球隊喺聯賽、德盃同歐霸3線作戰，近7場有6次率先攻陷對手大門，包括月初德甲對拜仁慕尼黑，都能夠先入2粒，今仗面對後防整體年齡飊高嘅布拉加，肯定繼續急先鋒本色，客隊第一隊入球玩得過。
广东聘多多 gdpdd.com 广东招聘网 广东人才网 广东找工作