意大利盃4強次回合，阿特蘭大主場迎戰拉素，由於首回合打和2比2，雙方都冇優勢，今仗一戰定生死，預料兩隊踢法應會穩陣行先，避免一旦失波落後冇仇報。參考拉素近5場總入球全開2球或以下，一於再追中位數2.5球嘅入球細。（周四凌晨3時開賽）文:Mic少
阿特蘭大吸取教訓唔敢谷
阿特蘭大自從加斯柏連尼上年5月離隊後，球隊已經兩度換帥，現任主帥柏拿甸奴上年11月接手領軍，雖然初期成績不俗，但其後無以為繼，各項賽事近10場僅得2勝4和4負，當中2場勝仗只係贏弱隊維羅納、萊切，欠缺說服力，今仗遇上拉素，恐怕勝算唔大。事實上，阿特蘭大喺意盃4強首回合兩度落後之下，踢到89分鐘至驚險扳平，吸取教訓後，今仗應會避免先失波陷入劣勢。
至於拉素狀態不俗，近6場取得4勝1和1負，包括聯賽擊敗兩支勁旅AC米蘭及拿玻里，證明穩守突擊戰術奏效。不過，拉素近5場作客有3場入唔到波，要攻破阿特蘭大穩固嘅防線，並非易事，或會出現拉鋸局面，入球唔慌多。
广东聘多多 gdpdd.com 广东招聘网 广东人才网 广东找工作
粤公网安备44011302004166号