英超：韋斯咸搶宮護級大作戰_東方日報

英超今輪壓軸戲碼上演「倫敦打吡」，水晶宮主場硬撼韋斯咸。水晶宮聯賽無欲無求，放晒心機落歐協聯；「錘仔幫」為搶分護級必定豁出去，近年造訪水晶宮又例多波入，捧2.5球大盤最上算。（Now 621周二凌晨3時直播）文:法達斯維

水晶宮戰意成疑
水晶宮現時最大目標，梗係爭歐協聯冠軍，佢哋已經殺入4強，加上聯賽唔愁降班，戰意成疑。後衞麥辛斯拿確斯及中場核心禾頓喺歐協聯對費倫天拿受傷，預料今場倦勤，而且各項賽事近4仗得1場冇失波，防線唔及季初咁穩陣。

作客嘅韋斯咸戰意鮮明，就係要搶分護級，佢哋近8場聯賽只曾輸過畀前列分子阿士東維拉同利物浦，試過打和曼城，對住同級對手亦能夠搶到分。中堅馬夫洛柏路斯近期大爆發，近3仗聯賽省3粒，包括逼和曼城之役攻入扳平士哥，絕對係帶刀侍衞，加上卡斯迪蘭奴斯同森馬維屢有佳作，不愁攻力。

翻查紀錄，「錘仔幫」近6次聯賽作客水晶宮贏過3次，形勢不落下風，其中5次開3球或以上。適逢熱刺今輪失分，韋斯咸大好機會甩開對手，作客照搶，大盤咪走寶。

广东聘多多 gdpdd.com 广东招聘网 广东人才网 广东找工作