今晚歐霸盃8強首回合大戰，博洛尼亞主場對阿士東維拉，兩隊實力有一定距離，維拉近7場歐霸盃獲得全勝，表現超晒班，加上聯賽爭標無望，更會集中火力喺盃賽身上，希望有錦標落袋，反觀博洛尼亞狀態低沉，主場亦難望發圍，維拉客勝值得追捧。（Now 643周五凌晨3時直播）文:Mic少
博洛尼亞晉級過程比較吃力，附加賽僅僅淘汰挪威球隊白蘭恩，上圈16強對另一支意甲代表羅馬，兩回合法定時間都打和，要踢到加時先驚險過關，遇上實力更強嘅維拉難免捱打。此外博洛出現「主弱客強」走勢，各項賽事近7場作客贏6場，但近13次主場出擊，只有2勝4和7負，今晚主場反而冇着數。
艾美利歐霸經驗值爆瀉
另邊廂，維拉曾於今年2月陷入低潮，好彩領隊艾美利教波功力深厚，已經迅速帶領球隊重回正軌， 近4場錄得3勝，包括上圈歐霸盃16強「雙殺」法甲里爾。事實上，艾美利素有「歐霸之鬼」美譽，曾經帶領西維爾及維拉利爾4次捧盃，執教阿仙奴時期亦入過決賽，亦係維拉今屆歐霸盃有出色表現嘅主因，「聯賽階段」8戰7勝1負，加上16強兩回合贏晒，換言之今屆踢10場贏足9場，水準非常可靠，首回合有力反客為主先聲奪人。
广东聘多多 gdpdd.com 广东招聘网 广东人才网 广东找工作
粤公网安备44011302004166号