阿甲：防衛者硬淨今季未輸過 科爾多瓦學院讓波要提防_東方日報

聽朝阿甲尾場，科爾多瓦學院主場迎戰防衛者。科爾多瓦學院近期聯賽愈踢愈沉，相反防衛者硬淨到暈，一於捧防衛者讓球客勝（+1）。（HOY TV 76台周二早上8時13分直播）文:法達斯維

防衛者硬淨今季未輸過
科爾多瓦學院雖然喺上周中阿盃贏波晉級，但對手只係弱旅阿特蘭大競技，不宜高估。事實上，科爾多瓦學院喺聯賽表現不濟，近4仗聯賽只得1勝3負，對住實力好啲嘅小保加同泰拿尼斯即刻輸波，遇強例必腳仔軟，睇番佢哋踢咗11輪聯賽，失咗15粒，防守不穩，有主場之利亦幫唔到幾多。

另邊廂，防衛者隊如其名，無論係防守抑或戰績都非常硬淨，11輪聯賽錄得4勝7和未輸過，係阿甲唯一未敗之師，而且只失8球，就算唔係失波最少嗰隊，防守能力亦名列前茅。

翻查紀錄，雙方近4次正面交鋒，防衛者取得2勝1和1負，戰績稍佔上風，科爾多瓦學院實在冇讓波本錢，既然讓球主客和防衛者有得受讓咁筍，讓球客勝（+1）咪錯過。

广东聘多多 gdpdd.com 广东招聘网 广东人才网 广东找工作