澳職：阿聯奧克蘭Goal手過招撐半大_東方日報

今日澳職前列搶分戰，阿德萊德聯主場鬥奧克蘭FC。阿德萊德聯現時排第4，仍有機會爭入季後賽4強，主場出擊肯定砌盡；奧克蘭FC係上季常規賽冠軍，現時屈居紐卡素噴射機之後排第2，同樣唔會手軟。兩隊進攻好手如雲，客隊踢法主動，近5場4次半場開2球或以上，一於捧1.5球半場大。

（無綫82台周五下午4時35分直播）文:邪神

兩隊搶分意欲高漲
阿德萊德聯近況唔曳，近6場錄得3勝3和不敗走勢，包括上場4比2擊敗西悉尼流浪者，盧卡祖雲奴域梅開二度，呢位澳洲小國腳今季累積攻入9球，腳風甚順，升做大國腳只係遲早問題，至於佢嘅進攻拍檔、另一澳洲小國腳莊尼約爾，今季交出4入球5次助攻，兩位新星拍住上，有力攻破客軍大門。

奧克蘭FC目前既要爭常規賽冠軍，同時又要保住季後賽4強席位，搶分意欲甚高，不過佢哋上場竟然主場輸畀FC麥克阿瑟，跌到一地眼鏡碎，相信今場唔會大意。進攻鐵三角英格蘭森哥斯格羅夫、新西蘭翼鋒謝斯蘭達爾及澳洲翼鋒拉治蘭布魯克，包辦球隊26個入球，捧半場大之餘，有興趣玩「任何時間入球球員」嘅朋友，上述兩隊幾位射手都諗得過。
广东聘多多 gdpdd.com 广东招聘网 广东人才网 广东找工作