2026年世盃外圍賽歐洲區附加賽決賽，捷克主場惡鬥丹麥。捷克上場雖然要踢到互射12碼先晉級，但有主場球迷打氣下，今場一定超級落力，至於丹麥火力強勁，近6場全開3球或以上，今場入球必多，捧2.5球入球大。（周三凌晨2時45分開賽）文:渡邊年
捷克上場對蘇格蘭，比賽初段先失兩球，可見球隊後防不穩，及後力追之下於補時逼和2比2，最後靠互射12碼晉級，不過經過120分激戰，球員體能確係有啲輸蝕，好彩今場有主場之利，喺球迷打氣下，希望自2006年之後，再次殺入世界盃決賽周，戰意一定旺盛。
不過，即使捷克入到波，後防確係令人擔心，自2024年起，捷克24戰只有8場可以保持不失，當中包括聖馬力諾及直布羅陀之流，可見佢哋對住稍為有實力嘅對手，後防都頂唔住。
丹麥6場20球唔嘢小
至於丹麥方面，單論人腳唔算好上乘，但佢哋中前場就係夾得好，由曼聯借去拿玻里嘅海倫，喺意甲26場入10球，相信今場會係正箭頭。呢班「北歐海盜」近6場國際賽，每場最少入2球，合共射入20球，全部總入球開3球或以上，遇正捷克「紙紮」嘅後防，一定搵到食，2.5球入球大係投注首選。
广东聘多多 gdpdd.com 广东招聘网 广东人才网 广东找工作
粤公网安备44011302004166号